土耳其小城 (德範大廈) (已結業)

喺荃灣咁啱見到呢一間餐廳好多人食，原來係食土耳其特色菜，最鍾意試新嘢嘅我哋就一齊排隊等咗一陣就入得去啦😛草原串燒牛肉串燒非常嫩口多汁，牛肉味香濃，再配上特色醬汁，非常滋味。陸洲沙律(三角豆蓉)都係我第一次嘗試，估唔到三角豆蓉竟然可以打磨到咁細滑，入口即溶嘅口感真係好特別。烤野雞肉卷餅超級豐富，入面裝滿雞肉,生菜,蕃茄,洋蔥，雞肉嫩容易入口，再加上新鮮的蔬菜配搭，令到成個卷餅更加清新，唔會食兩啖就覺得飽飽濟濟，反而越食越好味。香酥茄子夾雞都好脆卜卜，茄子同雞嘅配搭好新鮮，從來冇諗過竟然會有一個菜式係將佢哋兩個夾埋一齊，俾人好新鮮嘅感覺，但出奇地又幾好食。