東寶小館 (已搬遷) 新店位置

不知所謂!! 我之前有好多好既食評想寫都不了了之...但呢篇幾眼瞓都一定會即刻寫...希望真係想食好野既人會睇到...今日同女朋友國慶睇完煙花，差唔多十點鐘，北角碼頭落船，上咗去北角個熟食中心搵野食...行過一間叫東寶，記得好似係出名，就坐低...點知呢個就係惡夢既開始...(可惜唔記得影相!!!)(1) 間鋪嘈到講野都聽唔到...有細路唔該唔好帶佢嚟...如果唔係佢第日聽唔到野就慘啦...(2) 衛生情況︰熟食市場當然唔會好干淨，但比一般既熟食市場較差(3) 叫咗三樣野...雞粥...豉油王抄麵...同椒鹽瀨尿蝦...收$360(5%服務費)(a) 雞粥($88) -- 用個煲仔上，跟小小油炸鬼同蔥花，淡而無味，唔落味精係好，但係咪應該落番幾粒鹽呢?(b) 豉油王抄麵 ($60)---一般，比較多油，個賣相都ok，無乜特別 (c) 椒鹽瀨尿蝦 ($200!!!!) --呢個最激氣...之前問佢幾錢，佢一時又話$135，一時又話$180，咁我諗住細隻平d大隻貴d，所以就叫咗一隻細既...黎到隻野真係細到....一開三...頭尾當然係無乜肉啦...得中間個件有少少肉...抄得又唔香口..