影片
更多
2018-10-19
158 浏览
早兩年蒸氣火鍋開始盛行，作為海鮮吃貨嘅我捐窿捐罅都要試唔同餐廳嘅手勢啦！ 今次去到新蒲崗呢間蟹仙，同埋另外兩個朋友一齊試試佢~呢度點餐有三個唔同嘅menu，最平198用嘅料就普普通通，298開始就會食到佢最出名嘅頂角膏蟹，至於398就最多嘢食~🔍頂角膏蟹頂角膏蟹真係如其名，係爆曬膏！！雖然每人得半隻嘅分量但已經好足夠~蒸完出嚟見到啲膏爆出晒嚟之外，蟹肉都多到爆！因為清蒸關係，啲蟹味留返曬喺蟹肉入面，真係每一啖都好鮮！想像唔到佢拎嚟炒的話會係幾咁吸引，真係諗起都流曬口水lol🔍澳洲野生龍蝦澳洲野生游水龍蝦都係每人半隻，肉質好爽好有咬口，而且係好有龍蝦味~唔似平時街市一般嗰啲肉又散又軟身~而且佢龍蝦頭又係膏之外，佢啲龍蝦腳都係食得，剝殼的話你就可以食埋裏面一條名副其實嘅龍蝦柳🔍貝殼類海鮮而貝殼類海鮮，今次我哋食嘅時候有鮑魚蟶子貴妃蚌帶子青口同蠔。我想講呢幾款海鮮都錯嘅，但先龍蝦同蟹太過驚艷，所以覺得冇咁突出lol 但相比其他餐廳黎講都已經算唔錯，特別鮑魚蒸出嚟係非常爽口彈牙，貴妃蚌大隻得嚟蒸完又唔會縮水~🔍龍躉魚方面呢度就用游水龍躉，質素都可以既不過因為蒸嘅時候過
呢度點餐有三個唔同嘅menu，最平198用嘅料就普普通通，298開始就會食到佢最出名嘅頂角膏蟹，至於398就最多嘢食~
🔍頂角膏蟹
頂角膏蟹真係如其名，係爆曬膏！！雖然每人得半隻嘅分量但已經好足夠~蒸完出嚟見到啲膏爆出晒嚟之外，蟹肉都多到爆！因為清蒸關係，啲蟹味留返曬喺蟹肉入面，真係每一啖都好鮮！想像唔到佢拎嚟炒的話會係幾咁吸引，真係諗起都流曬口水lol
🔍澳洲野生龍蝦
澳洲野生游水龍蝦都係每人半隻，肉質好爽好有咬口，而且係好有龍蝦味~唔似平時街市一般嗰啲肉又散又軟身~而且佢龍蝦頭又係膏之外，佢啲龍蝦腳都係食得，剝殼的話你就可以食埋裏面一條名副其實嘅龍蝦柳
🔍貝殼類海鮮
而貝殼類海鮮，今次我哋食嘅時候有鮑魚蟶子貴妃蚌帶子青口同蠔。我想講呢幾款海鮮都錯嘅，但先龍蝦同蟹太過驚艷，所以覺得冇咁突出lol 但相比其他餐廳黎講都已經算唔錯，特別鮑魚蒸出嚟係非常爽口彈牙，貴妃蚌大隻得嚟蒸完又唔會縮水~
🔍龍躉
魚方面呢度就用游水龍躉，質素都可以既不過因為蒸嘅時候過咗火，所以有啲鞋口不過不失啦~
🔍蔬菜拼盤
最後就係蔬菜，有生菜南瓜粟米娃娃菜食。講真係冇乜特別，都係平常貨色，不過勝在新鮮乾淨，啲粟米都幾清甜！
🔍海鮮粥
食得蒸氣海鮮鍋，最後就梗係有個粥底啦~ 今次呢間餐廳嘅煮法就有啲似潮州粥，冇乜水之餘，米粒亦幾分明~r味道方面非常鮮甜，所有海鮮蒸出嚟嘅精華全部落晒去個粥，朋友試咗第一啖就話呢煲粥係見唔到海鮮嘅海鮮粥呀！
🍽9／10
🔎 蟹仙
蟹仙 (新蒲崗)
新蒲崗仁愛街50號地舖
张贴
