麻辣風雲 (荃碧大廈) (已結業)

對於我來講，川菜唔單止要辣，仲要夠濃味，而依間新開嘅餐廳，正正迎合左我兩個嘅要求。佢哋嘅川菜有好多唔同嘅種類，而且有啲都幾特別，例如麻辣魚春，鍾意食魚春嘅我，真係可以自己一個人食晒一碟。除咗魚春，我哋仲叫咗水煮魚、麻辣蝦、麻婆豆腐同自選嘅干鍋。水煮魚嘅辣度可以選擇，魚片非常之嫩滑無骨，而且仲有吸收晒辣汁嘅薯粉係底。而麻辣蝦就適合食辣嘅新手，蝦肉新鮮彈牙，食落去香而唔會太辣，叫麻婆豆腐嘅朋友，一定要叫多碗白飯。至於干鍋就偏甜，如果再乾身少少會好好多。