新沙洞大排檔 (好順景大廈1座) (已結業)

從來冇食過咁垃圾嘅餐廳，第一下入到去，間舖頭好細不再講張枱細到嗌兩樣嘢就已經擺唔到。跟住入面啲嘢食貴都唔講如果係好食嘅當然物有所值，但係當晚我哋只係帶咗三樣嘢食。1. 海鮮煎餅 2.辣豆腐湯 3.五花肉冷麵一般鍋物都跟飯，呢間冇飯跟不單止，仲要+$18先有飯。跟住個豆腐湯完全係辣椒粉煮水，兩個字講晒「難食」。個海鮮煎餅完全冇韓國嘅味道，淨係知雞蛋味煎餅好重。 個五花肉冷麵人哋係用湯去熬過五花肉你就咁用水淥熟佢個心過意得去咩？我有時都會喺啲舖頭食過啲中伏嘢，但係呢一間伏得太離譜。一支韓國有汽飲品$18你唔好去搶。最好笑嘅係間舖頭完全冇服務，但係收咗我+10%服務費我連杯水都冇杯，你憑咩收我地？只系上左三個菜。就要收10%服務費？奉勸大家千祈唔好去。