塚田農場 (已結業)

聽日嚟到觀塘APM，一路都好想試塚田農場，因為做咗少少所以唔使排隊，於是就嚟試吓佢佢有打邊爐可以揀，但係我哋都冇揀到打邊爐，因為想試吓地道嘅日本料理就揀咗其他嘅料理逐樣試吓佢～佢有個自助飲品吧，加幾十蚊就可以有出邊啲飲品任飲，一個人加全枱都要加，我哋就冇加到，因為想留返多啲位食嘢～我哋都叫咗好多嘢食，包括有火炙三文魚壽司卷，沖繩大島魷魚配豬肉炒面，醃蒜橄欖油會銀帶鯡魚，美人生春卷盛盒，辣味南蠻炸雞，甜薯巴菲～火炙三文魚壽司卷，分量都有好多，免頭嘅三文魚油夠晒香，入面夾埋青瓜同埋蛋，口感一流！ 沖繩大島魷魚配豬肉炒面用鐵板上，勁有鑊氣，面有啲燒到焦焦地咁，夠哂脆口！醃蒜橄欖油會銀帶鯡魚，充滿油香，魚都有好香嘅魚味，仲要用鐵板上夠晒熱！美人生春卷盛盒，呢個真係可以試晒三隻口味，感覺好新鮮，好清新，食完完全冇罪疚感！辣味南蠻炸雞夠晒香口配埋嗰醬真係好一流！最後食埋個甜薯巴菲，完美作結！