緻素坊

呢間餐廳係以傳統中菜烹飪手法 融合摩登元素 創造出精緻特色素食中菜💚

.
📌懷舊蝦多士 $39
以綿滑彈牙百葉豆腐取代蝦膠 底層多士炸到脆卜卜 再搽啲花生醬同沙律醬 好有西多嘅感覺 鹹甜鹹甜 口感又幾似喎🥜🍞

懷舊蝦多士

$39

.
📌香菇叉燒腸 $42
素叉燒外脆內軟淋 扮成窿邊叉燒咁 香甜味濃郁 再加埋香菇粒 食落比平時嘅叉燒腸輕盈 不過個皮就偏削🍄🍖

香菇叉燒腸

$42

.
📌黑松露野菌餃 $46
水晶皮晶瑩通透 滿滿菇菌粒 好爽嫩 松露味勁濃郁🍄不過外皮唔夠煙韌Q彈😢

1

黑松露野菌餃

$46

.
📌健康素菜包(煎) $39
個包好有驚喜 好鬆軟 煎到好香口 入面雖然得椰菜同木耳絲 但好清甜爽口 完全唔會dry 推介💯
.
📌喜帖壽桃 $32
就係普通嘅蓮蓉壽桃包 香甜綿滑 包身鬆軟 不同得兩舊 有啲少🍑

健康素菜包(煎)$39,喜帖壽桃 $32

.
📌緻素坊片皮鴨 $158
以炸腐皮取代烤鴨皮 超酥脆 加上炸過 咬落帶點油份 鴨肉就用左外脆內嫩炸猴頭菇 口感真係幾似😆以柔軟煙韌薄餅皮 包住清甜爽脆蜜瓜絲, 紅蘿蔔絲, 青瓜絲, 紅椒絲 淋埋甜麵醬 有驚喜 好好食🍈🥕🥒🫑

3

緻素坊片皮鴨

$158

.
📌咕嚕猴頭菇 $138
炸猴頭菇外層薄脆鬆化 內裏軟嫩得嚟帶一絲絲纖維咬口 可以媲美真肉呀🐷再加埋酸甜糖醋醬同菠蘿, 三色椒 賣相十足咕嚕肉呀‼️

咕嚕猴頭菇

$138

.
📌川式擔擔淮山麵 $52
淮山麵爽口有韌勁 湯底濃稠 花生同椒麻香十足 雖然係有紅油 但唔辣 重麻味🥜🌶️再撈勻素肉燥 像真度好高🍜

川式擔擔淮山麵

$52

.
📌松子黑松露炒飯 $128
炒飯粒粒分明 乾爽唔油膩🍚松子甘香堅果味同黑松露香濃郁🖤配搭素肉鬆, 紅蘿蔔粒, 香菇粒, 菜心莖粒 輕盈健康又香口🥕🍄🥬

松子黑松露炒飯

$128

.
📌鬼馬炒雙蔬 $108
雙蔬係蜜糖豆加蘆筍🫛再加入馬蹄, 木耳, 腰果, 三色椒一齊炒香 口感味道層次都好豐富 不過略嫌食材嘅配搭有啲唔夾🙈

鬼馬炒雙蔬

$108