地點好易搵，出地鐵口行幾分鐘就到，上到去感覺好光猛，裝修亦都唔錯，坐低左無耐餐廳職員俾啲小食我哋食開開胃👍🏻
先來盤刺身，有啲乾冰係面頭感覺特別高級，刺身好新鮮👍🏻
食完刺身之後就上雞煲，啲雞非常之柔嫩，啖啖肉好惹味！
雞煲食完之後就開始打邊爐，先來個海鮮拼盤，海鮮非常之新鮮，鮑魚亦都好有咬口，一流！
再嚟個雪花牛小排，脂肪比例非常適中，一啲都唔覺得油膩，好味！
跟住再叫左少少火鍋配料，一啲都唔馬虎👍🏻
最後食個宮廷甜品做最後總結！😋😋😋
御膳火鍋十二宮果然並非浪得虛明！咁嘅價錢食到真係非常之筍！下次會叫多啲朋友再試！😗😗
