鐵魚川式食堂 (已結業)

川式烤魚都食過幾次，但好似雞煲咁食完加湯再打邊爐就係第一次喇，仲要係$268任食𠻹！首先有五碟前菜，分別係手拍溫室青瓜、魚情味豆牙、跳水木耳、嫩七八草、同埋手撕包菜。如果你嗜辣嘅，我十分推介青瓜同豆芽，爽脆麻辣非常好味！食烤魚，首先當然要揀咩魚、咩湯底，同咩辣我哋就揀咗沙巴龍躉（加$20）、麻辣湯底、「流灘辣」。沙巴龍躉要加錢都加得值，因為佢啲肉鮮甜結實，亦冇細骨，啖啖肉。除咗魚外，鍋入面仲有金菇、雞脾菇、翠玉瓜等大量蔬菜，纖維豐富好健康滾起之後，侍應會幫你將條魚起骨啖啖肉食得好方便！不過想提一提，流灘辣並唔流灘，已經夠我哋幾個嗜辣嘅人流哂汗然後餐廳會自動送上海鮮拼盤、雜菜、肉盤，同埋紅薯粉。食完之後先至再追加餐牌上有八款海鮮，但每日都只會供應六款，而第一輪嘅海鮮拼盤就有齊哂呢六樣，呢一日包括有海蝦、紐西蘭大蜆、扇貝、白鱔片、鮑魚，同廣島蠔廣島蠔漲卜卜扇貝好大隻鮑魚仲識郁架！新鮮成咁鮮甜得嚟好有咬口除咗扇貝同鮑魚追加係$28一隻外，其他海鮮都係任食架！全部海鮮都好新鮮，完全冇臭腥味，真係非常值得追加肉盤就有手切安格斯牛肉、西班牙豚腩片，同埋魚皮餃牛肉都唔會切得好薄，食落非常嫩滑及重牛味