風雲丸 (已結業)

每次經過灣仔這間風雲丸日本拉麵店,都勁多人排隊，次次都想試但都唔想排咁耐隊，所以都未試過。但今天下午3點半冇乜人，不用排隊就可以直入，無得彈，终於可以食這間人氣沾麵店。店內座位以bar 檯和一排長檯為主，還有少量2人檯，基於有座位可選，我便向店主request 2人檯，舒舒服服享受這餐拉麵。Menu當然以拉麵為主，小食有炸雞和餃子。最後order了豚骨魚介味玉沾面$93,以冷麵為主。整兜石鍋非常滾熱辣，冷麵雖凍但放落石鍋裏馬上熱腾腾，湯底好濃而勁杰，味道好香魚味，加上冷麵彈牙，而且夠煙韌好食。還有豚肉和糖心蛋配料，令整碗拉麵更美味豐富。小食點了唐揚炸雞$35，有5大粒 ，皮薄又炸得香脆，值得一like是雞肉炸得唔乾身，食落嫩滑又juicy，好好食！羽根餃子$35，皮薄又好脆，肉質新鲜，味道鮮美。還叫了特色飲品，信州白桃蘇打$28，超正，由日本直送，味道清甜，好香白桃味，甜而不腻，價錢绝對平、靓、正！