所以抱住期望去試下呢間土司工房
餐廳在大食代內，要比左$後，再搵位坐
因為第一次食，唔知餐牌內容
女收銀已表現出不耐煩
在我地點餐期間，女收銀在出餐時
將成杯凍奶茶向我地個方向倒下
幸好我地衣服無濕，但對鞋就有小小茶漬抹唔走😢
落單後搵位坐，商場疑似未開冷氣，好熱
張枱是左搖右擺，坐得好唔舒服
落單後職員比左兩杯飲品我地先
1杯凍奶茶，1杯凍檸茶走甜
朋友拎起杯凍奶茶時，個杯應該洗唔乾淨有油
朋友一跣手，成杯奶茶又倒瀉了⋯😩😩
事後即時通知店員，因為附近冇其他店員
所以我哋都係去咗同果位無禮貌既收銀員講
收銀員一如以往，零反應唔理我地😑
隔左陣有另一位店員來幫手拖地
食物方面
我地叫咗兩碗海鮮喇沙
湯底還好，配料有蝦、半粒蛋、魚蛋&豆卜
味道正常既，但米線比較淋影響口感
凍檸茶無走甜😥篤完檸檬都無乜檸檬味，一般
總括黎講，真係好後悔食左呢間野
食物一般，服務態度好差
兩杯飲品都咁容易倒瀉（包括店員果杯）
可想而知杯既衛生情況⋯
返屋企洗完對鞋，仲有茶漬，好無奈！！
1
