武士拉麵 (已結業)

作為依個美食敢死隊嘅成員，一向只會不停試新嘢，甚少返轉頭再食。不過今日喺尖咀做完嘢，真喺好想食返依到嘅極濃湯拉麵，無嚟一排，真係改變咗好多。聽返老闆 Sam 哥講，佢哋嚟緊將推出日本全國各地嘅特產拉麵，而第一砲就喺依碗《季節限定熊本豬軟骨拉麵》！熊本拉麵特色喺濃郁豬骨湯底，而且專注做豬軟骨。咁我緊喺乜都要試吓啦！嘩，真喺超好食，麵底比上次嚟時更有進步，真喺食到好濃嘅蛋香，而且湯底超濃郁，擺耐咗真係會起膠！喺有圖有真相！最正喺超大塊豬軟骨，當中嘅軟骨仲紋到軟淋淋，入口即熔，出面嘅連鎖真喺食唔到。老闆 Sam 哥仲親自招呼每位客人，詢問吓佢哋嘅意見同反應，乘機介紹吓佢哋自己嘅特色嘢，真喺超有心同體會到佢自己武士道精神！總括嚟講，真喺超正！食過依到嘅拉麵， 唔可以唔返轉頭再食，而且仲食唔返轉頭。