蕃茄仔

营业中

休息中

作為蕃茄湯底嘅愛好者，一直都好想試下呢間red object，雖然價錢上比較貴，但勝在用料靚、口感正😆因為好耐冇食吉列豬扒($78)，所以就算有和牛都冇揀到，豬扒炸到非常脆，肉質都幾彈牙、微微juicy，以唔係吉豬專門店嚟講做得好唔錯👍🏻食到最後仍然保持脆卜卜嘅口感，加埋濃到好似蕃茄醬嘅蕃茄湯，係非常之正嘅配搭😋麵底方面揀咗刀削麵，唔算特別彈但都有一定咬口，份量方面男仔可能會爭少少，飲埋湯就差唔多，雖然蕃茄湯好濃好杰，但唔會掛咗太多上啲麵，所以食起嚟幾平衡🙈落單嗰時可以揀多蔥/多乾蔥，乾蔥吸曬啲汁再連埋麵食真係一流🥰朋友叫咗牛肩胛($82)，煎得好靚、油香滿滿，牛魔王可以試試🤣總括然而味道上係幾唔錯，對得住蕃茄湯呢個標籤😛至於價錢方面就見仁見智，我覺得可以試一次，但未必會成日翻兜🤓