米走雞Deluxe (已搬遷) 新店位置

雞煲好多地方有得食，但芝士雞煲就一定要黎食米走雞🐔夠晒邪惡又好食👐🏼 其實除咗主打既芝士雞煲，我覺得火鍋配料都幾出色，加上唔食芝士既都可以試下佢既火焰雞煲。黃金芝士雞煲 ($208/小)有得揀芝士份量，揀咗激量，睇相就知有幾澎湃🙈 選用咗巴馬臣芝士、車打芝士、卡夫芝士等共五款芝士，所以絕對夠cheesy，仲層次豐富。本身啲雞已經接近熟，所以滾起就食得，每件雞件大大件裹滿芝士，真係好芝味😋而且雖然揀咗小既雞煲，但其實份量都好多，2-3人完全夠食。兩個人去食，每人都食咗好多件雞😝食完晒雞就再加湯打邊爐😙哈哈蝦中寶 ($69/半份)呢個名咁得意嗌黎試下，係蝦滑🦐入面裹住蝦肉，上面仲有蟹籽。好新鮮彈牙，大大舊蝦滑，值得一試。手打M5和牛丸 ($48/半份)新鮮手打牛丸真係同平時食開既牛丸好唔同，明顯牛肉味出好多，而且用料係M5和牛，所以咬落都會感受到種油脂，而且係有汁，好好食🥹竹笙 ($48)打邊爐係好中意叫啲索汁既配料，食晒雞之後加咗湯打邊爐，湯底依然有濃郁既芝士鹹香，竹笙索晒啲汁，正正。稻庭烏冬 ($28)烏冬煙煙韌韌又掛湯，同芝士湯底真係好夾😍 食埋個烏冬真係超飽超滿足。醬料 ($18/