胡爐 (已結業)

【招牌鮮椰青雞鍋】一上枱就見到鍋中有半隻鮮雞件、鮮椰子肉、胡蘿蔔、杞子~店員首先會將雞件微微炒香，再加米酒，再點火爆炒雞！炒至半熟後，就會加原個椰青水同濃濃雞上湯落去煮，蓋上蓋後煮滾就食得！建議一定要飲咗原汁原味嘅湯先好開始落料打邊爐，因為個湯係香濃得嚟好清甜，雞同椰子肉都好食！🤤仲有，強烈推薦大家要叫粉絲，配埋椰子雞湯食係勁入味勁正！👍🏻👍🏻👍🏻-【皇帝柱貝墨魚丸】個墨魚滑入面混合咗好多柱貝同香葱，都幾特別嘅~【黑松露芝士手打牛丸】牛丸嘅質感唔錯，唔會話死死實實溝咗好多粉咁。中間會有粒黑松露芝士，所以食落幾香😗不過如果粒芝士再大粒啲就會更出色！😂-【手打鮮帶子滑】個帶子滑入面真係有好多帶子😂👍🏻食落少少彈牙得嚟又帶有帶子嘅鮮甜味，我幾鍾意食！😛-【XO鮑魚蝦餃王】呢隻餃幾特別，餡料頗足，XO醬味頗重~-【爽滑豬潤】呢碟豬潤真係值得一讚！食落好爽滑，就算煮耐咗都唔會變粉，仍然keep到爽脆嘅口感，真係非常出色！👍🏻-【紫菜炸響鈴】個響鈴係即炸嘅，幾香口惹味~