老徐記芝士榴槤餅 (已結業)

最近返屋企都會經過呢間開張左一段時間既芝士榴槤餅店，每次經過都嗅到陣陣既芝士香味，今日早左放工返屋企，經過呢間舖頭時忍唔住就入左去入面買個黎食。呢間出名既係芝士榴槤餅，佢有兩款嘅芝士榴槤餅，分別係：至尊招牌和招牌。不過呢間除咗有榴槤味嘅芝士餅之外，仲有其他口味選擇。例如：芝士香蕉餅、芝士火龍果餅、芝士芒果餅。岩哂我呢啲唔太喜歡食榴槤，但係又鍾意食芝士既人！我今次揀咗芝士香蕉餅，呢個芝士香蕉餅，入面有好多香蕉餡，而且呢個餅嘅芝士，係拉絲芝士👍🏾👍🏾 個餡夠晒豐富，而且味道更加一流！呢間鋪頭用嘅水果，係100%採用新鮮水果，所以整出嚟會比較新鮮，而且個餅會有啲微熱，芝士嘅拉斯效果會更加明顯，而且食落口會更加溶化。😋😋😋除此之外，個餅嘅size都比較大，買返屋企同家人share嚟食，都好飽好滿足！！！🥳下次會再買其他口味嚟試吓✌🏾✌🏾✌🏾