一幻拉麵 (已結業)

一幻拉麵來自北海道札幌，招牌係蝦湯拉麵，佢哋嘅超濃蝦湯底都算係我至愛拉麵嘅頭幾位。最正係佢嘅拉面可以揀粗麵或幼麵，蝦湯底可以揀原味或加豚骨味，口味可以揀味噌、鹽味、醬油，好多選擇迎合唔同人嘅口味。蝦湯底非常濃稠，散發鮮甜濃郁的蝦香，加上蝦油和炸到脆卜卜嘅蝦味麵酥，令成碗拉麵的層次更加豐富。我覺得原味湯底+鹽味口味已經好夠味，唔需要再揀豚骨味、味噌或醬油搶咗蝦湯嘅原汁原味。拉麵揀咗粗麵，彈牙掛湯。配料有叉燒和溏心蛋，質素同一般日本拉麵店差唔多，叉燒肥瘦均勻幾軟腍。如果想食豐富啲，可以加錢添加配料。另外店內有售盒裝招牌蝦湯拉麵，我試過買返屋企自己煮嚟食，質素都ok㗎！