我哋兩個人叫咗佢800蚊嘅豬肉餐同埋一個蒸蛋
依家有活動留評語就送水冷麵
烤肉餐有五花肉 豬扒 豬頸肉同 豬皮 全程唔洗自己落手會有職員幫你燒
五花肉肉味幾香 但今日呢次略嫌燒得有啲過龍
豬扒唔乾 夠厚身有豬肉嘅香味而無五花肉咁肥
豬頸肉係已經事先醃製過 偏甜口 解膩唔錯
豬皮意外偏軟身 無想像中咁有膠質 但都唔錯
蒸蛋面有芝士同粟米 比其他菜式味道偏淡 可以當係一個中和口味嘅配菜
水冷麵作結超完美 水冷麵清涼酸甜爽嘅口味中和番先前烤肉嘅熱氣
如果之後有機會會想再幫襯 但係可能會等約多啲人先再嚟 因為呢度嘅份量都幾大碟 而且有好多小菜 我哋最後都要打包走
2個人嚟食下次可以揀無豬皮嗰個餐會好啲🤣 唔係食唔曬
