灣景廳

疫情後的第一次buffet，真係食得超飽超滿足！我哋去咗灣景國際灣景廳試佢哋嘅「鮑魚．黑毛豬」自助晚餐。多款美食配搭鮑魚及黑毛豬，仲有好多冰鎮海鮮，好似麵包蟹、新西蘭生蠔、鮮蝦、鮮蜆、藍青口及東風螺、8款不同刺身、各式中西美食及甜點，另設自助飲品吧可以暢飲。咁多美食，真係食到停唔到口！特別推介：❤️香烤黑毛豬頸肉泰式沙律黑毛豬頸肉以多種香料醃製，配上醬汁，酸酸甜甜好開胃🧡日式鮑魚昆布沙律鮑魚以清酒慢煮，口感爽嫩，再配上黃蘿蔔及柚子沙律汁，非常淸新💜香脆黑毛豬腩肉卷需時3日製作而成，絕對係誠意之作，要先以慢火煮12至14小時再入爐烤焗，皮脆肉嫩，仲充滿著油脂好滋味💛花雕鮑魚雲耳炆雞三黃雞以花雕酒燉煮，令雞肉吸收酒香精華，香濃惹味，再配上鮑魚雲耳煎焗，味道好夾💚鬼馬咕嚕黑毛豬肉豬肉外皮香脆肉質嫩滑，食落酸甜開胃🤎梅菜煎黑毛豬肉餅以黑毛豬梅頭肉製作，肥瘦均衡，肉味香濃，肉面金黃焦香可以鎖住肉汁，外脆內軟好juicy💙鮑魚瑤柱海皇粥海皇粥煮得夠綿而且好足料，加入瑤柱、鮑魚及其他海鮮食材，清清地又鮮味十足！最後當然唔少得甜點及水果，有我至愛的朱古力噴泉及MÕVENPICK雪糕🍦，為呢餐劃上完美句號