牛舞日本燒肉‧涮涮鍋放題

营业中

休息中

朋友住元朗，介紹左呢間可以同時食涮涮鍋又可以燒肉的放餐廳。餐廳位置好方便，而且抽風系統好好，食完野，身上一點油煙味也沒有。首先一黎，店家會有個燒肉拼盤包括和牛粒、牛肋條、 牛腹肉等，俾你試下唔同部位的味道。日本和牛的牛肉質素好高，油花均勻，燒的時候滋滋作響，好療癒。呢牛肉烤到兩邊金黃，有少少脆邊，配埋店家的自調燒肉汁，真係好滋味。除了燒肉，海鮮的選擇都好多。虎蝦、甲羅燒、蒜香牛油帆立貝、白繕、磯煮鮑魚呢類高級食材都可以食到。虎蝦新鮮爽彈，甲羅燒加少少蛋漿，滿滿的蟹膏，絕對不能錯過。仲有特色的串燒，雞軟骨串烤到脆卜卜，好有口感。豚肉芫荽卷串，豚肉包住滿滿的芫荽，烤過之後，芫荽的味道比較平和，加上豬肉的油脂，估唔到咁美味。涮涮鍋我地揀左黑松露牛骨湯，淡淡的黑松露清香，同牛肉味好夾。自助Bar枱仲有好多食材，甜不辣同蜂巢豆腐都好有特色。食完當然仲有甜品，有cake,雪，雪條等，真係大滿足。