影片
更多
2017-11-09
567 浏览
最近發現開始興起 海鮮手工涮涮鍋，我諗蒸汽鍋同雞煲既熱潮開始減退喇!而家香港人對打邊爐要求高左，可能打邊爐既餐廳實在太多喇。以前只係要求 夠平夠多選擇就得，但而家係想食到啲高質素又健康又抵食既打邊爐。😍今日係cwb搵野食，走過鵝頸穚附近，見到有間新開既手工涮涮鍋，見佢新開張期間show openrice優惠就有85折.好抵！仲有海鮮食。好似幾吸引，就去試下喇 😋裝修幾靚，環境好大。每張抬都係梳化位，梳化好高身，令到有私人空間既感覺。而坐位好闊落，岩哂一路打邊爐一路傾下計。😁仲見到有房仔，如果一大班人去食可以包房添！一坐低，員工好好 service 咁介紹我地聽點揀，同上左兩個前菜俾我地。《四川麻辣木耳》同《手拍青瓜》 👍好開胃，岩哂等陣博命食 😂仲拎哂所有飲品俾我地睇下有咩揀。😁超好service！食開啲好濃味既湯底，感覺好唔健康。所以我揀左個養顏湯底：花膠螺頭雞湯 😍👍睇到都覺得好正。湯底有好多大塊既花膠，仲有螺頭，雞同d藥材一齊煲，好足料!個湯好鮮甜滋潤😀。打邊爐既湯底通常都會愈耐愈鹹，會食到好口渴。而我覺得呢個湯底既味度就岩岩好喇，唔會話太鹹。😎重頭戲黎喇！見住個員工上呢盤野，我
而家香港人對打邊爐要求高左，可能打邊爐既餐廳實在太多喇。
以前只係要求 夠平夠多選擇就得，但而家係想食到啲高質素又健康又抵食既打邊爐。😍
今日係cwb搵野食，走過鵝頸穚附近，見到有間新開既手工涮涮鍋，見佢新開張期間show openrice優惠就有85折.好抵！仲有海鮮食。好似幾吸引，就去試下喇 😋
裝修幾靚，環境好大。每張抬都係梳化位，梳化好高身，令到有私人空間既感覺。
而坐位好闊落，岩哂一路打邊爐一路傾下計。😁
仲見到有房仔，如果一大班人去食可以包房添！
一坐低，員工好好 service 咁介紹我地聽點揀，同上左兩個前菜俾我地。
《四川麻辣木耳》同《手拍青瓜》 👍
好開胃，岩哂等陣博命食 😂
仲拎哂所有飲品俾我地睇下有咩揀。😁超好service！
食開啲好濃味既湯底，感覺好唔健康。
所以我揀左個養顏湯底：花膠螺頭雞湯 😍👍
睇到都覺得好正。
湯底有好多大塊既花膠，仲有螺頭，雞同d藥材一齊煲，好足料!個湯好鮮甜滋潤😀。
打邊爐既湯底通常都會愈耐愈鹹，會食到好口渴。
而我覺得呢個湯底既味度就岩岩好喇，唔會話太鹹。
😎
重頭戲黎喇！
見住個員工上呢盤野，我都哇左一聲！
勁大盤海鮮放係我面前！😍好正。
有鮑魚，生蠔，青口，扇貝，珍珠蚌，象拔蚌，蝦🐚
影相呃like一流 😂
講番d海鮮先， 食得出好新鮮亦好大隻，淥完都仲好大隻。😋👍
生蠔唔係普通既桶蠔or cheap cheap既蠔，竟然係連殻的。😳好有誠意！
落哂d海鮮去淥，令到個湯底個鮮味再升級😍
一路食，職員仲好貼心咁，見有好多殼幫我地換過d新碟。👍
另外仲有得揀要 黑豚肉定安格斯牛脊肥牛 🐮
識揀，梗係揀肥牛啦😍
個肥牛唔洗淥太熟，一轉色就食得。
肥牛肉質好嫩，食落好有牛味。👍好味！
炸魚皮，好脆！👍👍
仲有餐廳自家製既大響鈴。一上菜，員工就叫我食左先。因為岩岩炸起，即食先夠正！
👍😍真係炸得好脆呀。響鈴仲要吸哂個湯，真係好好味！
好可惜呢個無得追加啦。
食到興起，職員問我地想唔想試下佢地既紅酒。送俾我地飲 😳
飲紅酒飲到好pro!😂 紅酒都唔錯，幾順喉。
佢地話遲下除左汽水野飲任飲外，仲有得任飲紅白酒添呀！👍
成抬野食 😋😋
仲有自家手工既丸同餃。
最令人驚喜既係芝士爆醬牛丸同蝦丸！好好味好彈牙。👍
個三款餃都唔錯，個皮做得簿，啲料夠多。😋😋
其實食到呢度已經好飽……但有得追加食物緊係要加啦 😁😁
好彩有得叫半份 😍咁可以食多幾樣！
值得推介 佢個脆鯇魚腩 ！
食得出新鮮 😳食落去好爽 👍
唔似得其他餐廳咁，成日都俾埋啲骨位尾位。😣
食完仲有精選甜品 。😄但我已經好飽lu..
呢餐真係食得好滿足好飽！同因為d野食多新鮮，所以基本都唔洗再沾豉油都夠味。😋
呢個價錢有咁好既服務同咁好既食物質素。真係好滿意 😃😃
是一間好有誠意既餐廳 👍
张贴
