影片
更多
2022-10-27
48 浏览
同行朋友都好鍾意食海鮮，平日中式煮法嘅海鮮就食得多，西式食法嘅海鮮比較少食，朋友咁岩喺灣仔附近收工，記得灣仔shake shake海鮮好出名，開業好多年，就一於過嚟試吓因為就嚟萬聖節🎃，餐廳都切合到主題，有好多萬聖節嘅裝飾，可以比大家打下卡影吓相，餐廳座位都好闊落，以卡位為主，好適合一班朋友過嚟傾偈食飯今日就叫咗佢個Combo海鮮二人餐$768，shake shake袋可以揀三款海鮮，今日分別揀咗小龍蝦，青口，八爪魚仔，配上檸檬黑椒汁，個醬汁酸酸辣辣可以帶出海鮮嘅鮮味，小龍蝦好多蝦肉同蝦糕，八爪魚仔好新鮮，好爽口，大大粒，青口好鮮甜，唔會有沙，海鮮袋裏便仲有薯仔，腸仔，粟米，就算係配菜都好出色，粟米吸收晒醬汁嘅味道，超正✨路易斯安那爆谷蟹餅每一啖都食到一絲絲嘅蟹肉，超足料，蟹肉仲好鮮味，外脆內軟嘅感覺，表面焗到金黃色✨蟹肉蟹膏南瓜意大利燴飯由生米煮成嘅意大利飯，每一粒都吸收晒南瓜嘅清甜味道，軟熟程度整到剛剛好，廚師要用好多心機先煮到，面頭仲有一塊塊芝士碎，適合鍾意食芝士嘅朋友，面頭蟹鉗亦都好新鮮呢個Combo二人餐包咗兩杯house wine，由於第日仲要返工，我哋今日唔飲酒，叫兩罐汽
因為就嚟萬聖節🎃，餐廳都切合到主題，有好多萬聖節嘅裝飾，可以比大家打下卡影吓相，餐廳座位都好闊落，以卡位為主，好適合一班朋友過嚟傾偈食飯
今日就叫咗佢個Combo海鮮二人餐$768，shake shake袋可以揀三款海鮮，今日分別揀咗小龍蝦，青口，八爪魚仔，配上檸檬黑椒汁，個醬汁酸酸辣辣可以帶出海鮮嘅鮮味，小龍蝦好多蝦肉同蝦糕，八爪魚仔好新鮮，好爽口，大大粒，青口好鮮甜，唔會有沙，海鮮袋裏便仲有薯仔，腸仔，粟米，就算係配菜都好出色，粟米吸收晒醬汁嘅味道，超正
✨路易斯安那爆谷蟹餅
每一啖都食到一絲絲嘅蟹肉，超足料，蟹肉仲好鮮味，外脆內軟嘅感覺，表面焗到金黃色
✨蟹肉蟹膏南瓜意大利燴飯
由生米煮成嘅意大利飯，每一粒都吸收晒南瓜嘅清甜味道，軟熟程度整到剛剛好，廚師要用好多心機先煮到，面頭仲有一塊塊芝士碎，適合鍾意食芝士嘅朋友，面頭蟹鉗亦都好新鮮
呢個Combo二人餐包咗兩杯house wine，由於第日仲要返工，我哋今日唔飲酒，叫兩罐汽水，如果想飲mocktail 加$38就可以飲到，都非常超值
张贴
