麻吉灶咖

最近想食台灣野，見到希慎有間就同fd係附近行街順便去食。
墨汁鹽酥雞炸得超脆口，雞肉仲好嫩。配埋三文魚籽同辣味蛋黃醬個口感好豐富。
牛肉麵湯底帶甜，牛腩同牛筋炆得腍，溏心蛋流心，酸菜紅蘿蔔份量多，麵彈牙，一碗食完飲晒好暖胃。
個滷肉飯肥瘦均勻，滷汁香濃甜鹹，撈落飯超香口，飯粒唔太濕，一碗好快掃晒。
d甜品都好好食。麻薯豆乳芒果雪糕好解膩，芒果新鮮，配埋雪糕好夾；紫米珍珠芋泥好足料，食完好滿足。
整體都幾唔錯，幾啱同朋友約埋黎。見到佢仲有好多款小吃，之後有機會一定再黎試。