尚鮮日式燒肉漁市場 (已易手) 新餐厅

去尚鮮食日本燒肉，普通燒肉$298，A5和牛燒肉$398，爭一百蚊就可以A4、A5和牛任食，仲駛諗？！ 梗係食和牛啦！先嚟【和牛拼盤】一共七款和牛，每款每人一片食住先，食完睇吓邊款好食先再叫，係可以無限加單架，牛摩王嘅我哋勁開心。 每款都標註清楚咩部位：A5 鹿兒島黑毛和牛牛小排、A5 鹿兒島黑毛和牛貝身肉、A5鹿兒島黑毛和牛外腹肉、A5鹿兒島黑毛和牛薄裙肉、A4鹿兒島黑毛和牛肩頸肉、A4鹿兒島黑毛和牛牛三角、A4鹿兒島黑毛和牛牛肩胛，款款都充滿油花，牛味香濃，一入口啲牛油就已經咇晒出嚟！ 我覺得最好食係A5 鹿兒島黑毛和牛牛小排，重點encore！【海鮮拼盤】甲羅燒、帆立貝、鮑魚、蠔、海蝦都好新鮮，當中嘅蠔仲可以無限order，正呀！ 甲羅燒用料好足，啖啖蟹膏香味！最愛嘅係【清酒煮蜆】，估唔到係自己煮。 啲蜆水潤、厚肉、鮮甜，仲要係好新鮮，會噴水架，配埋啲好入味嘅酒香味，實在係要一叫再叫三叫。刺身、天婦羅、湯、雞翼都當然唔以錯過，最後仲有新版Movenpick雪糕，超滿足！