緣聚 (已結業)

早幾日同老公去開元朗，順手係附近搵食喺大馬路附近，轉入內街見到有間放題，就去試試佢星期一至五成人每位$238 另外仲可以加$168/位，升級食埋生蠔、海膽手卷、北海道蒸毛蟹拖羅、甲羅燒、磯燒鮑魚、D24榴連🤤🤤🤤基於平時出去食個甲羅燒平平到都要$100，所以我哋就加錢食埋佢餐廳位B1層，環境都好闊落，有一半係西式裝修，另一半係日式裝修，見到佢仲有日式主題房，好適合一大班朋友黎盡興！餐廳有自助飲品同雪糕區除咗一般嘅汽水、紙包飲品，仲有不同款嘅啤酒。佢哋供應嘅係本地品牌嘅雪糕，另外仲有韓國雪條同泰國雪條，選擇都幾多刺身方面選擇都幾足，而且都好新鮮，有:赤蝦刺身、榮螺、帶子、三文魚、油甘魚、北寄貝、八爪魚、希靈魚、吞拿魚、甜蝦、仿鮑片、赤貝、池魚王等壽司同手卷當然唔少得，佢壽司嘅飯量比較少，等你可以食多幾件😍直得一提嘅係佢沙律都有4款：辣味吉列蝦沙、蟹籽沙律、黑松露魚生沙律、泰式生蝦沙律，食放題嘅時候好需要食返啲沙律去清新一下天婦羅同炸物選擇就同平時食開嘅差唔多，天婦羅有蝦、南瓜、蟹柳、番薯仔、野菜、金菇。炸物就有芝麻雞翼、紫心香芋波波、芝士炸雞、吉列蠔、榴槤炸彈、炸餃子、明太子芝士年糕等。