影片
更多
2016-12-13
4854 浏览
今日慶祝best friend生日，去咗食日本放題。 市面上嘅日本放題餐廳多不勝數， 不過講到最滿意嘅一定係《大喜屋》系列。 今次就去咗The one隔離嘅《極尚大喜屋》。一到五點九，就會見到人龍排隊入場， 各人都好守秩序等攞飛， 值得一讚嘅係極尚大喜屋有專門嘅位置畀遊客放行李同埋bb車， 就算買嘢買到滿載而歸，仍然可以食得舒服。同埋值得一讚嘅係呢度嘅員工動作超快，勤換碟，勤清枱， 就算食物連綿不斷咁送上，都唔會搞到冇位置放。而且廚房部亦非常好，完全冇漏單，一樣野食都唔洗追。員工又有禮貌就算喺極忙碌嘅工作下，都能夠保持禮貌， 抵讚。講番食物，呢度嘅刺身令人大感滿意。 皆因刺生每樣都非常之新鮮， 而且食落都係凍嘅， 證明唔會喺雪櫃攞出嚟太耐， 唔怕食到肚痛。 特別要推薦嘅係章紅魚，油甘魚，池魚王同響螺片。 每一片都相當厚實， 油甘魚同章紅魚味道極濃， 響螺片亦非常爽口。 每樣刺身食兩片都已經好滿足。特別推薦溫泉蛋， 流心嘅溫泉蛋配上木魚汁， 每一口都係咁滑， 而且蛋味十足， 真係食兩隻都唔夠。呢度嘅壽司選擇亦非常之多， 火炙左口魚邊壽司， 充滿油香。 黑松露油甘魚壽司， 黑松露味突出同油
一到五點九，就會見到人龍排隊入場， 各人都好守秩序等攞飛， 值得一讚嘅係極尚大喜屋有專門嘅位置畀遊客放行李同埋bb車， 就算買嘢買到滿載而歸，仍然可以食得舒服。
同埋值得一讚嘅係呢度嘅員工動作超快，勤換碟，勤清枱， 就算食物連綿不斷咁送上，都唔會搞到冇位置放。而且廚房部亦非常好，完全冇漏單，一樣野食都唔洗追。
員工又有禮貌就算喺極忙碌嘅工作下，都能夠保持禮貌， 抵讚。
講番食物，呢度嘅刺身令人大感滿意。 皆因刺生每樣都非常之新鮮， 而且食落都係凍嘅， 證明唔會喺雪櫃攞出嚟太耐， 唔怕食到肚痛。 特別要推薦嘅係章紅魚，油甘魚，池魚王同響螺片。 每一片都相當厚實， 油甘魚同章紅魚味道極濃， 響螺片亦非常爽口。 每樣刺身食兩片都已經好滿足。
特別推薦溫泉蛋， 流心嘅溫泉蛋配上木魚汁， 每一口都係咁滑， 而且蛋味十足， 真係食兩隻都唔夠。
呢度嘅壽司選擇亦非常之多， 火炙左口魚邊壽司， 充滿油香。 黑松露油甘魚壽司， 黑松露味突出同油甘魚嘅獨特味道互相輝映。 鵝肝帶子壽司， 濃烈嘅鵝肝味道同鮮味嘅帶子互相配合。
燒物類，北海道帆立貝， 上面舖有沙律醬和洋蔥先去燒， 味道相當之好。
一品料理當中特別推介五香煮和牛筋腩， 牛筋炆得非常之淋， 牛腩肥瘦適中，充滿濃烈牛香， 蘿蔔極都非常入味。
炸物方面一定要食炸貓山皇同埋芝士年糕。 前者榴槤味十足， 榴槤愛好者真係百吃不厭。 外面脆卜卜，入面有榴槤流心。 至於芝士年糕非常煙靭， 一邊釀有芝士， 不過食一件就夠，食得太多好易飽。
最後嘅甜品系列， 驚為天人， 奶凍非常之滑， 牛奶味十足。 法式焦糖布丁既有蛋味， 上面嘅焦糖脆卜卜。最後仲有Haagen-Dazs, Movenpick雪糕二選一, Haagen-Dazs嘅口味較多, 我就叫咗焦糖脆餅。 食落有焦糖味亦有餅碎口感。
大約300蚊嘅價錢，就可以食到咁高質素嘅刺身， 同時亦都可以試勻各款唔同嘢食， 真係好抵。 下次有機會， 真係想試埋其他《 大喜屋》 系列。
张贴
