影片
更多
2020-08-14
408 浏览
行開尖沙咀個頭，同朋友不約而同想食多肉飽肚嘅野，就決定食美式漢堡，揀左呢間Burgeroom試下~餐廳整體裝修金屬色調同工業風裝飾，好似賽車場咁，幾有美式風格想食飽嘅我地除左burger，仲點左幾款小食同飲品：Cappuccino冰凍嘅泡沫咖啡，賣相黎講個層厚厚嘅泡沫相當吸引。入口順滑，咖啡味濃，少甜甜度岩岩好，Good!香辣單骨雞翼配蜜糖芥末醬個人比較鍾意雞翼單骨處理，雙骨要「Lun」骨，無骨又冇左圍住骨頭食個口感同軟骨。炸皮炸到好脆，唔油又唔會太乾身，亦冇皮肉分離，炸得唔錯。調味整體小小鹹同辣，點番個蜜糖芥末醬甜味中和下味道同口感，份外滋味。馬蘇里拉芝士條實物比想像中大條少少，新鮮炸起仲標緊煙~馬蘇里拉比起常見嘅流心芝士煙軔同有黏性，不過拉絲一樣冇問題~皮脆再加煙軔芝士口感豐富，食落又唔算太膩。牛油果醬芝士薯條滿滿嘅邪惡感寫哂係面上嘅一道小食。牛油果+芝士又濃又香，質感厚實，同薯條絕對係一拍即合。薯條日常拍檔茄汁係呢度成為平衝眾多食材嘅配角，冇平時咁突出但又相當重要，將薯條從膩既邊緣拉番黎適中嘅位置。鵝肝牛肉漢堡終於黎到重頭戲--鵝肝牛肉漢堡。多層Layer真係叫人目不暇給，相當足
餐廳整體裝修金屬色調同工業風裝飾，好似賽車場咁，幾有美式風格
想食飽嘅我地除左burger，仲點左幾款小食同飲品：
Cappuccino
冰凍嘅泡沫咖啡，賣相黎講個層厚厚嘅泡沫相當吸引。入口順滑，咖啡味濃，少甜甜度岩岩好，Good!
香辣單骨雞翼配蜜糖芥末醬
個人比較鍾意雞翼單骨處理，雙骨要「Lun」骨，無骨又冇左圍住骨頭食個口感同軟骨。
炸皮炸到好脆，唔油又唔會太乾身，亦冇皮肉分離，炸得唔錯。
調味整體小小鹹同辣，點番個蜜糖芥末醬甜味中和下味道同口感，份外滋味。
馬蘇里拉芝士條
實物比想像中大條少少，新鮮炸起仲標緊煙~
馬蘇里拉比起常見嘅流心芝士煙軔同有黏性，不過拉絲一樣冇問題~
皮脆再加煙軔芝士口感豐富，食落又唔算太膩。
牛油果醬芝士薯條
滿滿嘅邪惡感寫哂係面上嘅一道小食。牛油果+芝士又濃又香，質感厚實，同薯條絕對係一拍即合。
薯條日常拍檔茄汁係呢度成為平衝眾多食材嘅配角，冇平時咁突出但又相當重要，將薯條從膩既邊緣拉番黎適中嘅位置。
鵝肝牛肉漢堡
終於黎到重頭戲--鵝肝牛肉漢堡。
多層Layer真係叫人目不暇給，相當足料。
鵝肝表面煎至金黃焦糖化，咬落香脆，然後入口即化，只能用「享受」去形容。
漢堡牛扒厚實多汁，牛肉味幾濃，食落啖啖肉十分滿足。
配上烤香左表面嘅麵包同清新新鮮蕃茄生菜一齊食，完全體會到漢堡一體性嘅魅力。
整體上中價位黎講Burgeroom算水準幾高，鍾意漢堡嘅朋友值得一試。
张贴
