TEA HUB (已結業)

長沙灣依間cafe之前都介紹過，食物賣相靚之餘，食落仲幾高質😋 最近見到佢哋新推出一系列藍色料理，顏色咁特別同搶眼，點可以唔試試佢！-香烤豬肉配藍忌廉汁($58) 個醬嘅藍色係來自於蝶豆花，所以係純天然，冇落色素🥳 食落忌廉味幾香，好似飲忌廉湯嘅感覺。豬肉微微烤香，配埋個汁幾好食😙 個飯上面仲有飯素添！蝶豆花芝士醬雲蛋多士($58) 望落去係藍天白雲呀😍☁️ 好治癒~ 個雲係用蛋白整，中間有個流心蛋黃，幾濃郁嘅蛋味！芝士醬有淡淡嘅芝士味，加埋個脆多士食幾正👍🏽印度香料朱古力($39) 個拉花好靚呀🥰 朱古力味同牛奶比例啱啱如，香料味係飲嘅每一啖嘅最後滲出黎，幾特別，值得推介比大家！