Pancake House HoiHoi (Megabox) (已結業)

出左消費券喎，梗係唔好令肚皮挨餓，去左megabox行街，下午茶時間想坐低休息下，就去左呢間靚靚日系cafe食左先講！夏威夷班戟漢堡配牛油果、蝦、蜜糖芥末醬$118有點某美式快餐店早晨全餐既影子，少少甜既pancake配上鹹味既牛油果粒同蝦，甜鹹撞出既味道一啲都唔怪，清新配搭好perfect match！熔岩Oreo梳乎厘班戟 $128望住厚厚既熔岩忌廉，諗起Anson kong個甜品節目既宗旨，攝取左幾多卡路里就要做幾番幾多份量既gym。原來呢度係唔洗擔心既，因為忌廉係特別輕盈無負擔！梳乎厘班戟食落帶啲棉花糖綿綿質感，忌廉加Oreo就係經典配合，熔岩咁樣好有玩味。熱帶特飲、檸檬特飲$48、$38食完甜甜既pancake，用清新既特飲平衡下味蕾，唔會太膩岩岩好。食飽左講下公事傾下心事，又一愉快下午喔。