萬發海鮮火鍋菜館 (已結業)

朋友住係亮賢居，探完佢之後一齊去左留下果間萬發海鮮食飯，之前去過深水埗分店食，其火喉夠鑊氣足，價錢親民，尤其黑椒薯仔牛柳粒既味道仲係令人回味緊！估唔到平時都禁多人，果然有名氣！叫了半隻萬發炸雞，半隻都好大碟，啖啖肉，外皮脆卜卜，雞肉質夠鮮嫩，香口美味之後當然要食鎮店之寶- 黑椒薯仔牛柳粒，牛柳粒雖然好好食，口感夠淋又亦夠入味，但對比薯仔，牛粒係會變成配角！薯仔係脆卜卜甜甜地好似有層蜜糖搽係面，而咬開係軟熟，外脆內軟既感覺，真係令人食唔停口！之後再黎就當然要食下海鮮，叫左2隻瀨尿蝦（約$260 1隻），唔好以為一隻$260好貴，黎到時我地都嘩左聲，未見過禁大隻瀨尿蝦，長度同我手臂差唔多，食落啖啖肉，好似食緊龍蝦禁😂 椒鹽味雖不太能滲入到蝦肉，但脫蝦殼後沾上椒鹽食非常香口美味！不過禁岩呢2隻無膏，如果有既話就真係仲正！