媽咪雞蛋仔 (已搬遷) 新店位置

記得第一次幫襯係誤打誤撞，見到幾多人等就試下。買左份朱古力雞蛋仔，結果好有驚喜，非常滿意。難得同女友再次經過，當然要再食。因為都有唔少食客，買完都要等15分鐘先有得食。雞蛋仔好大餅又重身，絕對冇偷工減料。溶化既朱古力粒,配上外脆內軟既雞蛋仔，簡直是一大享受！食果時要格外小心，因為係極為燙手！朱古力粒甜中帶苦，比例岩岩好唔會太膩，亦唔會蓋過蛋香。內裡煙韌，非常好吃！建議可以兩個人食～咁就甜蜜得黎又唔會漏！又可以係登打士街食多幾樣小食！