棕櫚閣西餐廳

营业中

休息中

今晚我們去咗「九龍維景酒店」嘅「棕櫚閣西餐廳」食自助晚餐！他們嘅主題係龍蝦、海參、鵝肝同海鮮！有超新鮮超多膏嘅龍蝦、超大隻嘅大蝦、燒牛肉、長腳蟹、翡翠螺、刺身、沙律等等等等⋯⋯款式種類超多！最值得一讚嘅係員工嘅服務態度非常親切有禮！例如燒牛肉每位人客都係薄切，但我比較鍾意厚切嘅口感，所以要求師傅厚切畀我，師傅嘅態度非常好，非常樂意厚切畀我，仲笑臉相迎，唔似得其他五星級大酒店嘅師傅一聽到我要求厚切，即刻黑起口臉，甚至刀叉都丟掉埋！真係一肚氣！但呢嘅師傅仲會問我夠唔夠添！態度真係天淵之別！厚切嘅燒牛肉嘅肉質非常鮮嫩多汁，肉味相當香濃，最好嘅係無根！係本人嘅必食推介！龍蝦真係超新鮮同超多膏，肉質非常鮮味彈牙！另外！每位人客都奉送一份百花釀海參！海參係師傅即場烹煮，海參炆得好入味好腍身，蝦膠亦好彈牙！溫馨提示：本人覺得「九龍維景酒店」嘅「棕櫚閣西餐廳」嘅質素，可比美其他六星級酒店要千幾蚊嘅酒店仲要好！因為最緊要食得開心嘛！