狎鷗亭居酒屋

营业中

休息中

同朋友諗住去尖沙咀飲番杯前食番餐。見到呢度做緊優惠就試試。意外地好味😋 雖然店員介紹咗幾款，但款款都大碟，差啲食唔晒。🥘大豆湯店家推介，以想不到咁特別。簡單嘅大豆芽湯加入咗大蜆同埋大量柴魚乾去煲。柴魚都煲到腍晒～ 令到整個湯都非常鮮甜，每啖都係濃郁嘅魚鮮味🍧大盤冷麵 係韓國傳統天氣熱嘅時候，家傳戶曉個個都會食嘅一款菜式。冷麵同大量蔬菜絲，顏色豔麗奪目，再加入韓式辣醬一齊食～ 清涼消暑又開胃👍🏻🥓辣醬烤豬肉味道比較辣但又好惹味刺激。加入洋蔥、韓式辣醬去炒，入口甜甜辣辣。韓國人推薦秘技食法：用生菜包住豬肉！上面一定要再加個辣醬同蒜頭去一齊食！ 味道忽然變得更突出，層次提升百倍🍍菠蘿酒上枱已經好吸睛，成個菠蘿去榨汁。每啖入口都係菠蘿汁同菠蘿肉嘅精華。 加咗燒酒嘅飲品入面仲有菠蘿肉可以食。入口清新好甜，燒酒變得唔辣喉嚨。 份量超多，幾個一齊分享都可以