火焰山重慶火鍋 (已結業)

～火焰龍蝦鮑魚四人餐～上次嚟嘅時候，經理表示將會推出海鮮套餐，叫我下次嚟一定要試吓，仲有記得預約，因為要煲定個龍蝦湯。話說約咗幾位大佬開股東大會，梗係要搵個食物質素高，裝修格局好嘅餐廳招呼佢哋啦。位置雖然比較遠，但食料質素超高，裝修光猛企理空間仲要夠大。於是，就早一個星期打俾經理，預約定個「火焰龍蝦鮑魚四人餐」上海鮮嘅時候真係覺得非常震撼，碟碟都大大碟，好有睇頭。湯都未滾嘅時候，經理好緊張咁話：「你哋一定要飲咗個湯先丫！飲丫記住！」。到個湯滾咗佢又走來講多次🤣於是我哋四個好乖咁飲湯，飲完一啖～我哋4個都「嘩」咗幾聲！真心正～真材實料冇花冇假龍蝦湯👍🏼經理話真係用咗好多斤龍蝦去熬出嚟。而龍蝦肉，店家已經好細心咁，拆開切粒混和湯底當中。唔使等我哋四個人爭餐懵邊個食邊一part,邊個分得隻龍蝦鉗😏各款海鮮都非常出色，新鮮美味。最吸引我嘅 分別係鮑魚貴妃蚌同珊瑚蚌。最後我哋各人都飲咗超過六七碗龍蝦湯🤣其他海鮮份量都剛好，唔會過多，亦唔會過少，開頭有位男股東仲擔心，成個餐得一個烏冬會唔會唔夠飽。好彩只係得一個烏冬，唔係我哋就變大晒鬼😛最後跟餐餸嘅雪燕糖水，清甜滋潤😌下次要再搵多啲人嚟試佢其他套餐