The Point Kitchen (The Lohas) (已結業)

今晚同朋友到康城晚飯，只係點了2樣食物一杯嘢飲，已經非常飽，而且味道不俗，確實物超所值。原隻焗釀龍蝦薄餅賣相很吸引，打卡一流，龍蝦頭及龍蝦殼放在薄餅上，唔係只放出黎好睇，內𥚃釀好了菇菌、蕃茄、芝士及蝦等食材，而龍蝦肉就已經拆肉放喺薄餅上面，每塊薄餅都至少有一件龍蝦肉，味道鮮甜，爽口彈牙，啖啖肉，加上香滑香濃既芝士，味道很一流，值得一試。另外，薄餅底是薄批，批邊外脆內軟，而且帶點煙韌口感，做得很不錯。燒春雞賣相同樣十分吸引，外皮燒得很脆，雞脾肉、雞翼都好滑d肉，雞胸部份有少少嚡，沾上少少香草檸檬醬汁，可增加Juicy感覺。不過最特別係燒春雞入面放咗薯仔粒，每粒都盡吸雞肉味。燒春雞即點即燒，要等大概半小時都係值得。Strawberry ice cream float 點左一杯用士多啤梨同雪糕溝成既mocktail, 味道都唔錯，賣相吸睛，請杯粉粉的粉紅色，充滿少女感，都幾大杯。雖然只係點左2樣食物，味道很不錯而且非常飽，細食既女生點菜前建議保守點。