甜品Mama (已結業)

我唔食榴槤，不過朋友就試咗榴槤奶凍，一路食一路話正，除咗奶凍內有好多榴槤，跟碟仲有好大份榴槤肉，用料十足。自已就試咗綠茶雪花冰，雪花刨得好鬆化，食到最後都唔會溶到一舊咁，綠茶味好濃、入口好香、唔太甜，跟冰d紅豆好大粒。另一個朋友就試咗朱古力雪花冰，都話正。p.s. 我哋無睇過食評，見呢間野位置好僻，入面又無其他客(可能係星期日夜晚)，本來無乜期望，點知仲有驚喜。