正宗山西刀削麵皇

营业中

休息中

去荃灣行街，經過見到呢間好多人排，好巴閉咁，為食既我當然要試下啦，因為本身自己住果區冇得食刀削面。見到D相就覺得好多都好食，又想食呢樣又想食果樣，最後叫左個豬手刀削面，好味到不得了，豬手入味爽口又彈牙，刀削面有咬口。我同行既叫左個金錢肚，都好鬼正，如果食得落仲想叫埋小籠包，可惜其實食完大早餐冇幾耐，食唔落。如果佢開多間分店起第二區就好啦!!!!!推介！會再去食！四十幾蚊有個餐包杯豆漿，真係算抵食。仲有，佢好多款餸比人選擇。我見隔離食口水雞撈面都好正咁，下次會想試下。