Y Show Tasty (已結業)

男朋友生日飯，喺網上搵咗好耐，終於都比我搵到一間好啱心水嘅餐廳，就係呢一間係尖沙咀嘅y show tasty啦！呢一間餐廳無論環境定係價錢都係好啱我心水，於是就帶咗男朋友去試吓啦✌🏻😌 叫咗一份香烤招牌乳豬！呢一個招牌乳豬真係冇介紹錯，我自己好少食西餐會食乳豬，今日一次，我同男朋友都愛上咗，乳豬嘅外皮好香脆，好鬆化嘅香脆！好特別，而且豬肉亦都非常之多汁嫩滑！另外仲叫咗呢呀香烤豬鞍配薰衣草蘋果茶汁！呢個嘅豬鞍位置同乳豬真係好唔同，考入口嘅時候更加厚身嘅感覺，而且啖啖肉，豬肉嘅味道更加濃郁！仲叫多咗一份水牛芝士伴醃蕃茄沙律！本身都好鍾意食水牛芝士，呢度嘅芝士好香，配合埋蕃茄一齊食就更加夾啦！