周記點心 (流心點心) (已結業)

尋日去左工展會行下，去完就打算係附近覓食，竟然發現周記原來係天后開左分店，完全吾洗思考就沖左入去，分店裝修好靚，我稱佢為cafe版周記，比正店坐得舒適好多，仲播住柔和既音樂，但可惜會俾四周傾談既聲浪蓋過左。食物水準依然，呢到必點既芝麻蝦多士，外皮香脆，面層鋪上一層芝麻，提升口感，蝦用彈牙。今次竟然最欣賞佢既籠仔荷葉章魚雞粒蒸飯，好鋪滿嫩滑嘅雞粒，好香章魚味，味道調得剛好，下次會再返黎encore！