影片
更多
2022-09-25
230 浏览
🔆 Le moment 🔆中環🔆扒房小店🔆我同男友一年至少黎一次嘅牛扒店，今次就同埋一群朋友一齊嚟食生日飯，加上超多野講嘅老闆，玩得超開心！呢間餐廳個menu好簡單，佢ig有得睇 @55peelst ，就係豬牛羊～佢煎扒係超出色，超級鎖晒啲肉汁係入面！牛扒最正就係烤邊，入面粉紅色嫩肉，咬入去肉汁澎湃，牛味超重，我會建議加試上佢伴菜嘅磨菇牛油汁，真係超好食～（第三張圖）羊扒亦係粉紅色嫩肉，羊無咩穌味，亦都係啖啖肉味加少少香草味，超juicy! 佢唔配mint sauce，但加佢嘅mustard sauce，超吊味，超好食！（第一圖！）豬扒係驚豔，同樣做到粉紅色嫩肉，應該要慢煮就做到夠溫度同嫩肉～香草味出，但係同行朋友感到略為不安，所以最後都加啲 fire 😷 (第二張圖）我地亦叫左忌廉汁青口，老細話絕對唔係冰鮮野，係荷蘭新鮮青口，當日新鮮運到，size較細但係肉質超級鮮！佢亦俾多份toast我地yam個汁，好開心～我地亦叫左一份baked cheese，佢係Camembert，配新鮮香草同埋初榨橄欖油，佢話唔用Brie因為太cheap 😂 同樣係超正嘅前菜，有raspberry jam同
我同男友一年至少黎一次嘅牛扒店，今次就同埋一群朋友一齊嚟食生日飯，加上超多野講嘅老闆，玩得超開心！
呢間餐廳個menu好簡單，佢ig有得睇 @55peelst ，就係豬牛羊～佢煎扒係超出色，超級鎖晒啲肉汁係入面！
牛扒最正就係烤邊，入面粉紅色嫩肉，咬入去肉汁澎湃，牛味超重，我會建議加試上佢伴菜嘅磨菇牛油汁，真係超好食～（第三張圖）
羊扒亦係粉紅色嫩肉，羊無咩穌味，亦都係啖啖肉味加少少香草味，超juicy! 佢唔配mint sauce，但加佢嘅mustard sauce，超吊味，超好食！（第一圖！）
豬扒係驚豔，同樣做到粉紅色嫩肉，應該要慢煮就做到夠溫度同嫩肉～香草味出，但係同行朋友感到略為不安，所以最後都加啲 fire 😷 (第二張圖）
我地亦叫左忌廉汁青口，老細話絕對唔係冰鮮野，係荷蘭新鮮青口，當日新鮮運到，size較細但係肉質超級鮮！佢亦俾多份toast我地yam個汁，好開心～
我地亦叫左一份baked cheese，佢係Camembert，配新鮮香草同埋初榨橄欖油，佢話唔用Brie因為太cheap 😂 同樣係超正嘅前菜，有raspberry jam同脆多士，食到停唔到手
以上兩個係我地加嘅前菜～
跟餐佢亦有配合桃蜜糖青蘋果沙律同埋新鮮蕃茄湯配帶兩支是同牛油蒜蓉多士！蕃茄湯係超濃超香，加上Parmesan碎，一直都係我心目中最正蕃茄湯，沒有之一！
當晚我哋亦都興起開咗一支紅酒，係老細精心挑選嘅berry味重啲，黎自St Emilion 法國酒莊嘅2013年紅酒，入口好醇厚，提子香亦好濃～
我地最後都叫左兩份Apple crumble 6個人share，其實已經好飽，但有個甜品點綴係唔同～ 層次分明，一邊食，老細又同我地傾計，老細同我地講音樂（Sugizo!）同whisky同萬惡嘅油炸食品～佢讀營養學出身，極不齒啲連續食物，又叫我地小心chemicals～見到佢真係超有心做食物！
果晚係超豐富嘅一晚，有靚酒美食音樂同埋娛樂性豐富又chill嘅老細～小餐館又有feel，真係我地會至少去一年一次嘅餐廳～
大心！💕💕💕💕💕
@55peelst
Le Moment
網址: https://s.openrice.com/QrbS0wRe000~uZ5MGAA
地址: 中環蘇豪卑利街55號
電話: 62389222
=====================
#steak #hksteak #香港扒房 #黃色經濟圈 #黃店牛扒 #牛扒 #羊扒 #豬扒 #扒房 #慶生 #慶生餐廳 #生日飯 #kazyysteak #kazyycentral #kazyyhki #中環美食 #中環黃店
张贴
