DAMA (已結業)

今日去左K11 musea 行街，見到呢間餐廳個名幾得意，叫DAMA，如果用中文思維讀出黎就係「大媽」，所以都令我幾好奇走埋去睇下係賣咩既。呢間DAMA主打應該係純素雪糕，100% cool for vegan，勁健康！雪糕用左Oatly milk 去取代牛奶，另外店員仲介紹話雪糕80% 成份都係用咗菲律賓紅肉火龍果，真材實料。雪糕可以揀單味或者扭紋雙味我就揀左雙味，分別係紅肉火龍果同埋菠蘿加薑。菠蘿加薑其實都幾特別，薑味幾特出。而火龍果就比較清甜，食完唔會覺得好漏，正！