米子

营业中

休息中

早前有嘢要去ikea買，所以就揾個男朋友同我去mega box ikea買嘢，之後揾下mega box有咩食，揾到呢間越南菜，所以就去食啦。我地揀左燒雞黃薑飯、菠蘿炒飯、炒蓮藕苗同一杯藍天使。佢個燒雞黃薑飯真係好吸引，一來我好鍾意食黃薑飯，二來佢啲黃薑飯係釀入雞裏面，所以黃薑飯除左黃薑味，仲有雞味同埋吸到雞油，令味道更上一層樓，真係超好味。而菠蘿炒飯同我想像中有出入，我想像係有原個菠蘿裝住，唔知係咪越式同泰式的分別，不過就一樣都好好味，好夠火喉，我最鍾意就係佢啲腰果，撈埋一齊食，更加好味。我就見到飲品有杯叫藍天使的，所以就叫來試試，原來佢係藍莓加椰奶，我見到想以為係越南咖啡，不過都照試，但我問過，無得走甜，所以杯嘢都幾甜。炒蓮藕苗就真係好特別，出面好少見，但原來味道都好正，係一個不錯的選擇。