越味皇 (已結業)

今晚跟女友去咗荃灣路德圍食晚飯，初時未有共識想食乜，邊行邊看有乜好食，因為一早知道路德圍一帶有很多食店。望入店內，掛滿越南竹帽作裝飾，好有越南食店的感覺。女友又喜歡食炸物。於是决定選擇依間食店。打開餐牌，款式很多選擇。有飯，有湯河，有檬粉等。而且餐牌相片好吸引。最後點咗個越式燒蝦串燒，越式椒鹽炸軟殼蟹，香燒迷你庶蝦及越式燒牛肉串燒，再加個越味皇番茄蟹頭糕湯檬粉。飲品種類也很多，最後點咗青檸梳打及泰國椰青。燒蝦串燒好熱好有蝦味，好新鮮，香燒庶蝦非常好味，好難忘，好有水準，必選的食物，牛肉串燒好夠份量，好入味，諗起都再想食。至於椒鹽炸軟殼蟹配上泰式酸甜醬，味道是絕配，幾款炸物都整得非常好味。推介喜歡食炸物的人，這食店一定無介紹錯。檬粉湯底好濃番茄味，好食。飲品方面，椰青好冰凍，好新鮮，食椰青肉好滑。非常滿足及難忘的一餐。又無加一，職員工作態度都值得讚，好親切。埋單價錢合理，超值。