福珍寶茶餐廳 (已結業)

今晚老婆想食煲仔飯，於是去左居所附近這家茶餐廳，竟然有驚喜。這裡的煲仔飯是用瓦煲，和用炭炉煮的，水滾才落米，製作好認真，上枱時熱辣辣，好醒胃。我們叫了两個煲仔飯套餐：臘味煲仔飯用料佳且足，潤腸有酒香，臘腸又唔肥，臘肉肥瘦適中，飯底是粒粒蝦仔飯，上枱時香氣撲鼻，好味又有口感，飯焦唔燶又鬆脆，好好食。另一煲是黃鱔煲仔飯加潤腸，黄鱔鮮且多，煮出來的飯身亦較輭滑，黄鱔本身味較淡，但加上一條有酒香的潤腸，可算是絕配，入口時感覺很好特別。套餐還包括花生雞脚湯和餐茶，雖然是例湯，但鷄脚煲到起膠，好有口感，真的超值！