影片
更多
2016-11-27
615 浏览
早幾天約了友人去灣仔謝斐道的 The Oyster House 吃午飯，回程時發現蠔屋附近開咗間《旺記冰室》，回家後上網搜尋，得知原來餐廳開業還不足一個月。見網上食評不俗，尤其是一款自家製叉燒日本滑蛋飯，賣相非常吸引，很想一試，所以趁這個周末，約了保險經紀去灣仔見面，就順道和老公來一嘗。店子地方不大，以一室淺木色為主調，座位分成左右兩排，屈指一數，只有 28 個，以二人及四人桌為主，不過環境唔錯，乾淨企理。餐牌一張過，很簡單，分為三個時段，分別是早餐、午餐及全日下午茶餐。午餐只得五個選擇，三款飯、兩款通粉，定價由 $46-$56 不等，包飲品。既然一心為吃叉燒滑蛋飯而來，所以入座後，立即鎖定目標，而另一客午餐就揀咗豉油雞扒飯。秘製三蔥甜豉油雞扒飯 ($54) 率先送上，雞扒端上來時已切件，外皮燒得非常脆口，惜雞肉切得較厚身，肉質略欠嫩滑；不過個三蔥甜豉油，水準的確唔錯，味道濃得來又帶點蔥香，用來佐飯一流。至於另一客自家製叉燒日本滑蛋飯 ($52)，蛋漿炒得色澤金黃，看起來呈半熟兼帶點溏心狀，著實惹人垂涎。急不及得舀起一匙往嘴裡送，蛋漿果然夠滑溜，蛋味濃又無雪味，火侯控制得很不錯。至於半
早幾天約了友人去灣仔謝斐道的 The Oyster House 吃午飯，回程時發現蠔屋附近開咗間《旺記冰室》，回家後上網搜尋，得知原來餐廳開業還不足一個月。見網上食評不俗，尤其是一款自家製叉燒日本滑蛋飯，賣相非常吸引，很想一試，所以趁這個周末，約了保險經紀去灣仔見面，就順道和老公來一嘗。
店子地方不大，以一室淺木色為主調，座位分成左右兩排，屈指一數，只有 28 個，以二人及四人桌為主，不過環境唔錯，乾淨企理。
餐牌一張過，很簡單，分為三個時段，分別是早餐、午餐及全日下午茶餐。午餐只得五個選擇，三款飯、兩款通粉，定價由 $46-$56 不等，包飲品。既然一心為吃叉燒滑蛋飯而來，所以入座後，立即鎖定目標，而另一客午餐就揀咗豉油雞扒飯。
秘製三蔥甜豉油雞扒飯 ($54) 率先送上，雞扒端上來時已切件，外皮燒得非常脆口，惜雞肉切得較厚身，肉質略欠嫩滑；不過個三蔥甜豉油，水準的確唔錯，味道濃得來又帶點蔥香，用來佐飯一流。
至於另一客自家製叉燒日本滑蛋飯 ($52)，蛋漿炒得色澤金黃，看起來呈半熟兼帶點溏心狀，著實惹人垂涎。急不及得舀起一匙往嘴裡送，蛋漿果然夠滑溜，蛋味濃又無雪味，火侯控制得很不錯。至於半肥瘦叉燒，雖然稱不上精品，且蜜味不足，但咬落肉質幾鬆化，也算對辦，而且與滑蛋和甜豉油配搭得恰到好處，實屬誠意之作。
餐茶揀咗凍檸茶 (凍飲+$2) 同凍奶茶 (凍飲+$2)，前者入口冰涼又夠茶味，檸檬下得足夠；而後者奶的份量就差了一點點，未夠滑，幸好茶味不俗。見外面下起毛毛細雨，又是時候去添購寒衣了。
张贴
