胡爐 (已結業)

香港打邊爐真係好多選擇，有平有貴，要搵有質素既唔易，聽朋友講胡爐係其中一間有質素既打邊爐好去處，所以就即管試試。入座後，問店員有咩好介紹，佢話如果我地鐘意藥材湯底，可以試一試「蟲草花羊肚菌燒雞鍋」，因為湯內有北芪、黨參、川芎，由於個人係好鍾意藥材湯，所以唔考慮就立即點左。湯底上左後，店員稱最好滾耐少少，俾羊肚菌出下味，大概7，8分鐘，我已經忍唔住呷一口，我覺得十分對板，藥材味夠哂濃，連飲兩碗由於湯底已有鮮雞，所以我地兩個就無點牛肉，而選擇左牛汁芝士丸及黑松露水餃，我覺得牛汁芝士丸好正，牛味濃配上流心芝士另外點左龍躉魚片，絕對新鮮；打邊爐邊少得嚮鈴呢，新鮮即炸，又脆又熱辣辣最後點埋個薯粉，吸埋個湯底，簡直係完美