影片
更多
2017-04-06
108 浏览
呢間位於尖沙咀加拿芬道嘅蒸氣鍋專門店近住厚福街，尖沙咀呢條街出左名多好野食，見到店門口廣告，優惠時段8點前結賬離座有8折，我同朋友都未食過蒸氣鍋，所以諗住試下。我地叫左每位$398嘅套餐，套餐包括龍蝦、蟹、元貝、生蠔、蜆、花蛤、豚肉片、蔬菜同南瓜豬骨粥，非常豐富，facebook點讚分享食店仲送海黃蜆五隻。點完餐後可以去醬料區自行調配醬料，有蒜蓉、芫茜、蔥花、醬油、辣椒醬、麻油、醋等等多種醬料選擇。我地第一次食蒸氣鍋，完全唔知步驟，但估唔到呢度服務周到得不得了，全程係店員幫我地蒸同夾上碟之外，仲要係每食完一道菜，店員馬上幫我地換過另一隻碟，準備定食下一道菜，呢一餐大大話話換左好多隻碟，真係辛苦哂店員，今時今日咁嘅服務態度真係好難得。海鮮推出黎已經見到好新鮮，店員將南瓜同豬骨放鍋底煮粥。首先蒸嘅係蜆同花蛤，蜆同花蛤真係好鮮美，鮮味到完全唔需要點醬汁都好食。黑松露蒸元貝，元貝放上黑松露同粉絲，粉絲嗦哂元貝嘅鮮味同黑松露嘅香味，好好食。美國生蠔，好肥美好大隻，加左薑片一齊蒸，食落好新鮮又唔會有腥味。波士頓龍蝦，落鍋蒸前仲見到隻龍蝦郁，真係好新鮮，又大隻又多肉，龍蝦鉗舊肉超大舊，肉質超級鮮甜，
我地叫左每位$398嘅套餐，套餐包括龍蝦、蟹、元貝、生蠔、蜆、花蛤、豚肉片、蔬菜同南瓜豬骨粥，非常豐富，facebook點讚分享食店仲送海黃蜆五隻。
點完餐後可以去醬料區自行調配醬料，有蒜蓉、芫茜、蔥花、醬油、辣椒醬、麻油、醋等等多種醬料選擇。我地第一次食蒸氣鍋，完全唔知步驟，但估唔到呢度服務周到得不得了，全程係店員幫我地蒸同夾上碟之外，仲要係每食完一道菜，店員馬上幫我地換過另一隻碟，準備定食下一道菜，呢一餐大大話話換左好多隻碟，真係辛苦哂店員，今時今日咁嘅服務態度真係好難得。
海鮮推出黎已經見到好新鮮，店員將南瓜同豬骨放鍋底煮粥。首先蒸嘅係蜆同花蛤，蜆同花蛤真係好鮮美，鮮味到完全唔需要點醬汁都好食。
黑松露蒸元貝，元貝放上黑松露同粉絲，粉絲嗦哂元貝嘅鮮味同黑松露嘅香味，好好食。
美國生蠔，好肥美好大隻，加左薑片一齊蒸，食落好新鮮又唔會有腥味。
波士頓龍蝦，落鍋蒸前仲見到隻龍蝦郁，真係好新鮮，又大隻又多肉，龍蝦鉗舊肉超大舊，肉質超級鮮甜，仲有蝦膏，真係好正。
花蟹超多蟹膏，蟹膏非常甘香，肉雖然唔多，但好鮮甜。
娃娃菜上放左少少肉碎，娃娃菜好嫩，連肉碎一齊食，味道非常好。
怪味禾豚肉最特別，肉片蒸完口感好爽脆，上面醬料有點似咖哩味，有少少辣，幾惹味。
鍋底嘅南瓜豬骨粥亦都可以食得，將店員送上嘅蔥花、酸菜、芫茜、脆米全部放哂落粥，粥煮到好綿，南瓜同豬骨令到粥嘅味道更加香甜。
最後店員仲送上西瓜，真係好好服務，呢間真係一間食物、環境、服務都非常好嘅食店！
张贴
