小曼谷泰國美食 (南角道)

营业中

休息中

九龍城嘅泰國餐廳出哂名，今日又黎食好嘢，其實之前已經食過啦🙈無計，食過返尋味🤩今日又黎食🤭海鮮孖寶：揀左蟶子同扇貝，果然好鮮好美味！啲牛油香滿滿之餘，上面嗰啲配料完全係畫龍點睛😍尤其係啲炸魚仔，好好味！泰皇咖哩大頭蝦:咖哩果然好重椰奶味，又滑又綿，啲大頭蝦夠哂彈牙又新鮮😊仲要勁大隻又大膏添！我哋叫多份薄餅黎襯咖哩食，佢哋簡直係絕配🫡串燒：牛肉，雞肉，雞腎，牛筋丸同埋珍寶腸😈燒得勁入味，配埋佢哋比嘅醬汁一齊食，無得頂呢👏🏻特別想讚雞肉同雞腎，超級正！嘢飲就叫左龍眼冰同泰式奶茶，泰式奶茶夠地道，奶味濃又香甜，值得推介！而龍眼冰多龍眼好鮮甜！走果陣仲有勁多人排緊隊呢👍🏻