響 - Hibiki 日本燒肉 (已結業)

在網上看過這間日本燒肉店的評價不錯，早已想約幾個朋友一齊品嚐，今日終於如願以償，餐廳位於一樓，升降機燈光昏暗，感覺好高級同有情調，入到店內卻燈火通明，雅座寬敞。侍應安排我哋坐低後，隨即送上一盤魚生刺身，當中有三文魚、甜蝦、油甘魚、帶子、吞拿魚同八爪魚，啲刺身超新鮮，最驚喜係有一整板我最鍾意嘅海膽，仲有紫菜俾我哋夾住海膽一齊食，真係超級正！跟住我哋又嘩一聲，原來係海鮮拼盤駕到！拼盤用料十足，有日本名物喜知次、鮮鮑魚、大蝦、仲有大大隻嘅蠔同螺，同時店員亦教我哋將貝殼類海鮮放喺爐邊，再落啲清酒一齊燒，咁啲肉就冇咁乾，又可提升海鮮味道，個爐中間就用嚟燒肉類，咁樣就可以一邊燒肉一邊等海鮮熟，店員服務好，又貼心，抵讚！而且啲海鮮確實好鮮甜，一個字…… 正。係時候主菜出場啦，燒肉拼盤有：美國牛肋骨、澳洲和牛西冷、牛胸腹、肉眼和米澤三元豚西冷，每樣都肉嫰多汁，燒好後加少許餐廳提供的喜馬拉雅山粉紅鹽，更能提升肉味，也帶出多一分牛香，當中最好味的和牛西冷，大家都不約而同話要追加，同時我哋亦叫多份厚切牛舌片試試，點知原來牛舌點上燒肉醬汁，再加幾滴青檸汁後，口感更嫩滑，一件接一件，食唔停口。另外，手羽(雞翼)