今日我哋嚟到觀塘食午餐
店舖裝修簡約，有簡單嘅聖誕佈置，感覺溫馨溫暖
8
店員兼廚師細心介紹店舖推介食品，感覺對出品好有要求，欣賞敬業樂業嘅熱誠
大根沙律
店用了高知縣冬日美食-大根
廚師每天早上即刨的，非常新鮮！
為了避免蘿蔔辣味，會在手刨後浸泡冰水，口感味道爽脆香甜
從沒有諗過大根沙律會係咁爽脆清新，香甜多汁
季節限定嘅推介會寫店舖內黑版上，會定期更新，想食大根沙律嘅就要快啦😊
吉列蠔
吉列蠔炸得外皮酥脆，蠔肉都幾鮮美😊內裏仲保存住好多肉汁
日式牛肉薯餅
牛肉薯餅外層炸衣也很鬆化香脆，內裏薯蓉及牛肉碎軟綿綿，非常喜歡呢一種日式薯餅嘅感覺
手打和牛漢堡扒丼飯
選配白味噌汁，日式泡菜
賣相非常之靚！一層一層放上去好有藝術感，唔捨得食
蛋黃顏色鮮艷，配合白飯一齊食非常之有蛋香
日式泡菜微辣，好開胃
和牛漢堡肉味同埋牛油味恰到好處，配合白飯、泡菜及蛋漿一齊食，非常滿足！日式白味噌同和牛嘅味道好配合，味道溫和又帶出牛嘅香氣，超正！
生薑燒豚肉飯
一向也很喜歡豬肉生薑燒這個日式料理
豬肉肥瘦適中，配合生薑燒嘅醬汁以及香甜嘅洋蔥，非常喜歡呢個配搭
熱白桃烏龍
柚子蜜
飲品方面，白桃烏龍茶嘅果味同埋茶味都好清爽
柚子蜜亦都好滋潤香甜，為是次午餐畫上完美嘅句號
今次嘅午餐我哋都好滿足，好開心，有誠意嘅製作，非常推薦
店裏面仲有儲印仔計劃，觀塘返工或者街坊可以留意
